15 meter heech 9 mei. 2008 - Juster waarden de stikkene lampen fan it sportfjild ferfongen. Om't Jan Rodenburg dizze wike in heechwurker op it hiem hie, koe dit putsje der moai by. Sels doarst er der foar gjin goud yn, mar hy gunt syn personiel wol in moai útsicht.

Rekreëaren oan it Redúster strân 9 mei. 2008 - It binne hurde wurkers, de mannen fan de bou. Dêrom is it mar noflik, dat se har yn it skoft deljaan kinne oan it nije strân dat oanlein is oan it Swin.

Alwer in Fries 8 mei. 2008 - Dizze kear gjin rôze mar blauwe ballonnen yn ‘e Haedstrjitte. Reduzum hat der wer in wûnderke by. Op 29 april is Camille Louis berne. Soan fan Maarten Schellevis en Marsha de Vries.

Kampop is poater 7 mei. 2008 - Sinds vrijdag mist familie Toering poes Kampop. Poes is een 6-jarige driekleur met een normaal gewicht. Draagt geen halsbandje. Is veel op Legedyk en ijsbaan te vinden. Mocht u haar gezien hebben, wilt u dan bellen naar (06) 18325993.

Evert en Baukje Wieling 60 jier "tegearre" 7 mei. 2008 - Yn 1948 wurke Evert Wieling by Lute Hoekstra op Warniahuzen. Baukje Veenstra wenne en wurke op ’e Sweach by bakker Klaver. Sa’n oardel jier earder brocht Evert in pear nije klompen fan klompmakker De Groot fan Nij Beets nei Aldeboarn.... Lês fierder

Oan de stúdzje 6 mei. 2008 - Foar de 'eindexamenkandidaten' is der net folle tiid om te genietsjen fan it moaie waar. Sy binne drok oan 'e stúdzje om hielendal klear te wêzen foar de eksamens, dy't begjinne op 19 maaie.

Skyline fan Reduzum 5 mei. 2008 - Tsjintwurdich is it measte boerelân ien grutte griene tekken. Dit lân mei al dy prachtige maaitiidsblommen docht dan ek suver âlderwetsk oan. In moai kontrast mei de nije 'skyline' fan Reduzum-súd.

Huningfabryk 4 mei. 2008 - De bijefolken fan de famylje Bergsma kinne wer oan 't wurk dizze maaityd. Fan ’t winter binne se hieltyd byfuorre. Mar no sille se sels har iten wer opsykje moatte. De kasten binne behimmele en klear foar in huningryk jier.

Aardewerk is paardewerk 3 mei. 2008 - Dy droege grûn fan de nijbou is mei in skeppe mar min te bewurkjen. Dêrom is it moai dat we spesjalisten yn ús doarp ha. Durk Visser hat mei syn minikraan en frees al ferskate kilometers op it Swinlân ôflein.

Racen op it Haven circuit 3 mei. 2008 - It te hurd riden is ek foar Thijs van Dijk gjin probleem. Dizze jonge autobestjoerder raast mei hege snelheden oer de Haven. Elkenien moat foar him oan de kant. Yn de takomst sille we grif mear hearre oer dizze lytse Jos Verstappen.

Ferkearsoerlêst troch te hurd riden 1 mei. 2008 - Om’t der yn it doarp noch wolris te hurd riden wurdt, komme der 30 km stikkers op de pealtsjes yn de Haedstrjitte. Hjir op de krúsing mei de Haven binne se al goed sichtber.

Trije jier op rige 30 apr. 2008 - Al trije jier op rige is it frouljupartoer Janet Bokma en Thyske Oosterhof winner wurden fan it Café-Bar de Welp strjittekeatsen. Ek Willem Fopma wûn foar de tredde kear de krâns Utslach